Steel art- ნულიდან შექმნილი ხელოვნება.

   რამდენიმე კვირის წინ, როცა ჩემი ბლოგის რუბრიკა “ხელოვანი”-ს მორიგი სტატია დავასრულე, უკვე ვფიქრობდი ვინ გახდებოდა ჩემი მომდევნო შთაგონების წყარო. მინდოდა რაღაც განსხვავებული, უფრო თანამედროვე და ცოტა გიჟურიც. ჰოდა, მალევე ფეისბუქზე გადავაწყდი მისი ნამუშევრის ფოტოს წარწერით- “წუთისოფელი”. ზუსტად ამაზეა ნათქვამი-“ვინც ეძებს, ის-პოულობსო” :)

"წუთისოფელი"

    “ნეირონი”,იგივე-ნიკა სოხაძე რკინას აცოცხლებს. მშვენივრად ერკვევა ფიზიკა-ქიმია-მათემატიკაშიც  და საკუთარი ხელით ქმნის არამარტო მეტალის ნამუშევრებს, არამედ დეკორატიულ ნათურებს და  სხვადასხვა ფუნქციურ აპარატებსაც, მაგალითად- ბუტანის ფანარი, რომელიც 3-4 საათი ძლებს ანთებული და წერტილოვანი შედუღების აპარატი, რომელიც მიკროტალღური ღუმლისგან დაამზადა. ამ უკანასკნელს უშუალოდ იყენებს თითოეული ნივთის შექმნისას.

ნიკა სოხაძე

Art-ნათურა :)

ტექნოლოგიური ნაძვის ხე

   

   ქმნის ნებისმიერი რკინისგან, მთავარია ფაქტურა მოეწონოს. ორნამენტებს ლურსმნით აკეთებს. არ უყვარს ნივთები, რომლებსაც 50წლის შემდეგ ფუნქცია აღარ ექნებათ. მუდმივი ნივთები მოსწონს (რაღა შორს წავიდეთ, ნათლობისას მამაომ ჯვრები რომ გაუწოდა,ყველაზე სქელი აირჩია-გამძლე იქნებაო)

  

რეტრო ნათურები

    პირველი ნათურა მე-3 კლასში იყო, რომ დაამზადა(ნახევარ ლიტრიან ბანკას ძირი გაუხვრიტა და წვრილი სპირალით ტელევიზორის ადაპტორზე ჩართო), ხოლო პირველი მეტალის ნამუშევარი, სუროს ფოთოლი-19წლის ასაკში გააკეთა ტელევიზორის რკინის ყუთისგან და საწყის ეტაპზე არც იცოდა, რა გამოუვიდოდა. სამი წლის განმავლობაში დამზადებული აქვს პატარა ზარბაზანი(რომელიც ისვრის), ბრელოკები, მავთულით და მონეტებით აგებული ფიგურები, ფლეშ-ბარათები რკინაში და სხვა საინტერესო ნივთები.

"ფლეშ ბარათი"

ფლეშ ბარათი"ხმალი"

რატომ მაინცდამაინც რკინა? მუდმივი ნივთების კეთება მოსწონს და არ თვლის, რომ ძვირფასი მასალა აძლევს ნივთს ღირებულებას. “ხელოვნება იმაში არაა, თუ რა მასალას გამოიყენებ. ნულიდან რომ შექმნი რაღაცას, ისაა ხელოვნება. ამასთან, ნამუშევარში ან შინაარსი უნდა იდოს, ან-ფუნქცია. წინასწარ ყოველთვის იდეა, მონახაზი მაქვს და მუშაობის დროს ნელ-ნელა ვართულებ. ის მომწონს, რაც ადვილად არ გამოდის და თუ რამე დამაინტერესებს ჩავეძიები ბოლომდე, მოლეკულურ დონემდე..."

კალამი თავისი ბუდით

"გამოიყენე დრო"

    ყველაზე დიდი ნამუშევარი, რაც ჯერჯ-ჯერობით შეუქმნია, არის სააTი სახელით-“გამოიყენეთ დრო”, რომელიც დაუსრულებელია. არასოდეს ჩქარობს, თუ იცის, რომ შეუძლია უკეთესი გამოუვიდეს. სამომავლოდ კი გეგმავს ნატურალური სიმაღლის ადამიანის გაკეთებას მთლიანად მავთულისგან, რომელსაც მკერდი გარღვეული ექნება იმისთვის, რომ შიგნით ჩაიდოს გული. “თითოეული ხელოვანი ზუსტად ამას აკეთებს, ის გულს დებს თავის ნამუშევარში.” 

 გამოფენა ჯერ არ ეჩქარება, რადგანაც ეს მისTვის მხოლოდ ჰობის დონეზეა და ამასთან თვლის, რომ ჯერ არ აქვს გამოსაფენი ნივთების საკმაო რაოდენობა. (თუმცა ეს საკამათოა :)

   და ყველაზე მთავარი-ეს ადამიანი თავისი პროფესიით ხელოვნების სფეროს სულაც არ ეკუთვნის, samedicino sferos warmomadgenelia...თუმცა რა გასაკვირია, ნამდვილ ხელოვანს საყვარელი საქმის კეთების ნიჭი, უნარი და სიყვარული სულში აქვს... ყოველშემთხვევაში წიგნებიდან და სახელმძღვანელოებიდან ნაკლებად გადაიცემა.

 

da tradiciuli p.s.  “neironTan” interviuze stumrobisas me da Cems megobars gvqonda bedniereba sakuTari xeliT dagvemzadebina rkinis oboba da WianWvela, romlebic misgan saCuqrad miviReT. Tumca rkinologiaSi “orosani moswavle” gamovdeqi, gamocdilebiT gaviazre, rom zogi raRacis niWiT ubralod unda daibado...da Tu ar daibade, sxvisi mainc daafaso J

ნიკა სოხაძის გვერდი ფეისბუქზე Steel art

/ნინო ჭინჭარაული/