ახალგაზრდა პოეტები- ქველმოქმედებისთვის.

   1 მაისს, 19:00-ზე,  ფესტივალ-რესტორაცია „დივანში“ გაიმართა ახალგაზრდა შემოქმედთა პოეზიის საღამო 9წლის ნუციკო ჩიტაძის დასახმარებლად. 
   
   ნუციკოს ოთხთვენახევრის ასაკში კუნთების დაავადება დაემართა, რის შედეგადაც კიდურები მოუდუნდა და დღემდე დამოუკიდებლად გადაადგილება არ შეუძლია. უმშვენიერესი და უნიჭიერესი პატარა გოგონა ახალგაზრდებმა ხაშურში გაიცნეს და იქვე შეიტყვეს, რომ მას ესაჭიროება ახალი ეტლი და კორსეტი, რათა მისი დაავადება უფრო არ გართულდეს. სწორედ ამ მიზნით გადაწყდა მისთვის საქველმოქმედო ღონისძიების ჩატარება.

  საღამოზე მონაწილეობას იღებდნენ  ახალგაზრდა თანამედროვე მწერლები: თორნიკე ჭელიძე, თეა თაბაგარი, ნატა ვარადა, თამო გიუნაშვილი, ცია ლაბაძე, ალექსანდრე ახალკაცი, ქეთი დიდიშვილი, გიორგი ხატიაშვილი, ნუკრი ბერეთელი, ნინო ქადაგიძე,ნინა ნეკერი, ნინო ჭინჭარაული, დავით კვიტატიანი, მედეა კაზარაშვილი, ცირა თევდორაშვილი, ნათია აბულაძე, თამთა გრიგოლია,ლევან ძამუკაშვილი. ხოლო მუსიკალურად აფორმებდა ჯგუფი "ზღვარი".
  
  ნუციკოს სურვილით(გოგონა საღამოს არ ესწრებოდა) მონაწილეებმა მისი რამდენიმე ლექსიც წაიკითხეს. 

   საღამოს ორგანიზატორები იყვნენ ნატა ვარადა, ალექსანდრე ახალკაცი და თეა თაბაგარი.

თეა თაბაგარი- ნუცა დაახლოებით ერთი თვის წინ, ხაშურის #2 სკოლაში გამართულ პოეზიის საღამოზე გავიცანით.ისეთი გულისყურით და ანთებული თვალებით გვისმენდა, არ შეიძლებოდა, რომ არ დაგვმახსოვრებოდა.შემდეგ, საღამოს იქაურმა ორგანიზატორებმა გვითხრეს, რომ ნუციკო თავადაც წერდა ლექსებს და წაკითხვის სურვილი ჰქონდა.ამ უნიჭიერესმა გოგონამ, საკუთარი ლექსების წაკითხვის შემდეგ, სიმღერაც შეასრულა.მაშინვე გაგვიჩნდა სურვილი, რომ ჩვენი ურთიერთობა ნუცასთან არ ამოწურულიყო მხოლოდ იმ საღამოთი. ცოტა ხნის წინ, კი ნუცას დედის წერილი ვნახეთ, სადაც იგი ითხოვს შვილისთვის დახმარებას, რისი მეშვეობითაც გოგონას ფიზიკური ტკივილი შეუმსუბუქდება. მაშინვე გადავწყვიტეთ პოეზიის საღამოს გამართვა, რათა შემოსული თანხა მათი ოჯახისთვის გადაგვეცა.ძალიან დიდი მადლობა ყველას, ვინც პატარა ნუცას ტკივილი გულთან მიიტანა და ვინც მომავალშიც დაგვეხმარება, თუნდაც იმით, რომ ანგარიშის ნომერი კიდევ უფრო მეტმა ადამიანმა გაიგოს.

ცია ლაბაძე

თეა თაბაგარი

თორნიკე ჭელიძე

ნინო ჭინჭარაული

ნუკრი ბერეთელი

ალექსანდრე ახალკაცი

ნინა ნეკერი

ცირა თევდორაშვილი

ნათია აბულაძე

მედეა კაზარაშვილი

ლევან ძამუკაშვილი

თამო გიუნაშვილი

ნინო ქადაგიძე

დავით კვიტატიანი

გიორგი ხატიაშვილი

თამთა გრიგოლია

/ნინო ჭინჭარაული/

2014/05/03

საქველმოქმედო პოეზიის საღამო ნუციკო ჩიტაძის დასახმარებლად!

1 მაისს,ხუთშაბათს,  19:00-ზე, Festival - Restaurant Divan | ფესტივალი - რესტორაცია დივანი-ში(ტაბიძის 3/5) გაიმართება საქველმოქმედო საღამო პატარა ნუციკო ჩიტაძის დასახმარებლად, რომელსაც აქვს კუნთების დაავადება და ეტლის დახმარებით გადაადგილდება. 

მონაწილეობენ ახალგაზრდა თანამედროვე მწერლები: თორნიკე ჭელიძე, თეა თაბაგარი, ნატა ვარადა, თამო გიუნაშვილი, ცია ლაბაძე, ალექსანდრე ახალკაცი, ქეთი დიდიშვილი, გიორგი ხატიაშვილი, რობერტ მესხი, ნუკრი ბერეთელი, სოსო მეშველიანი, ნინო ქადაგიძე, ნანა ქელეხიძე, ნინა ნეკერი, ნინო ჭინჭარაული, დავით კვიტატიანი.

 ორგანიზატორი: ნატა ვარადა
ღონისძიება ფეისბუქზე  საქველმოქმედო პოეზიის საღამო ნუციკო ჩიტაძის დასახმარებლად!

დედამისის საბანკო ანგარიში გახლავთ:

GE66LB0711174495879000 - ელენე კასრაძე 

დავეხმაროთ პატარა იოანეს!

პატარა იოანე ლაშარისჯვრის ხევისბრის-ლაშა ძებნიაურის შვილიშვილია...ექიმებმა მას ცერებრალური დამბლის დიაგნოზი დაუსვეს. საქართველოში მკურნალობა უშედეგო აღმოჩნდა.საჭიროა ჩინეთში მკურნალობის კურსის გავლა. მისი განკურნების ერთადერთი გარანტი ძვირადღირებული რეაბილიტაციაა. 1 დეკემბერს,არტ-ჰოლში, 18:00საათზე, მის დასახმარებლად ჩატარდება საქველმოქმედო კონცერტი. კონცერტიდან შემოსული თანხა მთლიანად გადაირიცხება იოანეს ანაგარიშზე GE22BG0000000629737800,რომელიც საქართველოს ბანკში გაიხსნა. ღონისძიებაში მონაწილეობას მიიღებენ: ზურა დათიკაშვილი ჯგუფი"ბანი" ჯგუფი "ფრანი" ანსამბლი "ქურმუხი" "დები ზვიადაურები" ნატა გეჩუაშვილი ჯგუფი "მთიელი" ანსამბლი "მეტეხი" "დები გოგოჭურები" დავით არჩვაძე ტარიელ სუარი მიხეილ ღანიშაშვილი მარიამ ხუცურაული გიო არაბული დეკა ნაყეური სულხან წულუკიძე ჯანო იზორია (მონაწილეთა სია არასრულია) ბილეთის ფასი 8 ლარი. მის:დადიანის 26.არტ-ჰოლი. 18:00 საათი. /ორგანიზატორები- დები ნაყეურები/

საქველმოქმედო ჯგუფის I საღამო.

 27 აპრილს, 4საათზე, საპატრიარქოს ახალგაზრდული ცენტრის (სამების ტაძარი) დარბაზში გაიმართა ჩვენი საქველმოქმედო ჯგუფის (რომელსაც პირობითად, დროებით- "შიბი" დავარქვით) საქველმოქმედო საღამო, 2წლის ზუკა მაკარიძის დასახმარებლად, რომელსაც ძვლის სარკომა აქვს და ოპერაციისთვის ნახევარი მილიონი ესაჭიროება. მასზე ინფორმაციისთვის ნახეთ პოსტი დავეხმაროთ პატარა ზუკას! (საქველმოქმედო საღამო) თუმცა შეგროვილი თანხა ძალიან მცირე გამოვიდა, მაგრამ მაინც მადლობა ყველას, ვინც რაიმე გაიღო პატარასთვის. უფალი შეეწიოს ზუკას და მის ოჯახს...

ღონისძიების ფოტოები

 

 

დავეხმაროთ პატარა ზუკას! (საქველმოქმედო საღამო)

27 აპრილს, 16:00 საათზე, საპატრიაქროს ახალგაზრდულ ცენტრში (სამების ტაძარი) გაიმართება საქველმოქმედო საღამო 2წლის ზუკა მაკარიძის დასახმარებლად, რომელსაც დაუდგინდა მე-4 სტადიის, თირკმელებზე გადასული ძვლის სარკომა და ესაჭიროება სასწრაფო ოპერაცია, რომელიც ჯდება 300 000 ევრო.

საღამოზე დაიდგმება შესაწირის ყუთი.დავუდგეთ გვერდში ზუკას და მის ოჯახს! მცირედი დახმარება ყველას შეგვიძლია, ნუ ჩაუვლით გულგრილად ამ ამბავს.

დარეკეთ ნებისმიერი ქსელიდან 0901800809.
ანგარიშის ნომერია GE71BG0000000305776900, საქართველოს ბანკი,მიმღებია- ზურაბ მაკარიძე

საღამოში მონაწილეობენ :
პოეტები:
გელა დაიაური
მარიამ წიკლაური
მაია გონჯილაშვილი
თეა თაბაგარი
თორნიკე ნაროზაული
ლიკა ოხანაშვილი
ჯარჯი შუქიაური
თემო ჭახნაკია
დეკა ნაყეური
სოფო ჯიჯელავა
გიორგი ესიტაშვილი და სხვები.

მომღერლები:
ანსამბლი "დიდგორი"
ბექა ბუჯიაშვილი
მირანდა მაისურაძე
ხატია ბურდული
მარიამ მჭედლიძე და სხვები

/ნინო ჭინჭარაული/

დავეხმაროთ 10 წლის გიორგი ჯიშკარიანს!

მოკლედ, იმდენ ადამიანს სჭირდება დახმარება და იმდენი ფოტო და ანგარიშის ნომერი იდება ყოველდღიურად ფეისბუქზე, მეგობრებმა გადავწყვიტეთ, 2 ჯგუფი გავაკეთოთ. 

1. ხევსურეთის პრობლემებზე მომუშავე.
2. საქველმოქმედო ჯგუფი-გაჭირვებული ოჯახების,ავადმყოფების, უნარშეზღუდულების, უდედმამო ბავშვებისა და მოხუცთა თავშესაფრებისთვის.

ამჯერად, ამ მეორე ჯგუფის სახელით ვდებ ამ პოსტს, რომ ყველა ერთად დავეხმაროთ, ვისაც სჭირდება. თანხით თუ ნივთებით
პირდაპირ ვაკოპირებ ტექსტს ფეისბუქიდან.


გაიზიარეთ ყველამ, აბსოლუტურად...
ყველას გთხოვთ, ცივად არ გადაიკითხოთ...
ძალიან გთხოვთ!

საქმე ეხება მესამე შვილის სიცოცხლეს. ანალოგიური დაავადებით ორი შვილი უკვე დაეღუპათ და არსებობს შანსი მესამეს გადარჩენისა...

მეგობრებო, უბრალოდ დაფიქრდით, გთხოვთ, ვისაც როგორ შეგიძლიათ დახმარება, დავეხმაროთ... არ არის ეს ბავშვი არც მსახიობი, არც მომღერალი, არც ვინმე ცნობილი... ამის გამო არ გავწიროთ იგი... გიორგი ყორღანაშვილს ჩვენ ყველანი გადავარჩენთ და გთხოვთ, ანალოგიური სითბოთი და სიყვარულით შევხედოთ პატარა გიორგი ჯიშკარიანის მდგომარეობასაც...

ჩვენ, ყველას, ერთად, შეგვიძლია დავეხმაროთ მას! თითო ადამიანმა, რომ 5 ლარი გადარიცხოს ძალიან მალე შევაგროვებთ საკმარის თანხას...

ვიმეორებ, არ არის ეს ბავშვი არც მსახიობი, არც მომღერალი, არც მოცეკვავე, არც შოუმენი.... ეს არის ადამიანი! ხალხნო! ადამიანი! რომლის გადარჩენაც ჩვენ შეგვიძლია!

ხომ იცით, ადამიანი რომ გარდაიცვლება, დავკარგავთ, მხოლოდ შემდეგ შევიჭმუხნით წარბებს და დაბღვერილები დავდივართ...

ამიტომ, გთხოვთ, ახლა არის შანსი მისი გადარჩენის, სანამ კიდევ ერთი ტრაგედია დატრიალებულა ჯიშკარიანების ოჯახში, დავეხმაროთ!!!

ერთად მათთვის, ხალხნო...

აღწერა:
2003 წელი, გოგა ჯიშკარიანი 6 წლის ასაკში გარდაიცვალა. დიაგნოზი ვერ დაუდგინდა.
2013 წლის 6 მარტს,თენგო ჯიშკარიანი 11 წლის ასაკში გარდაიცვალა. დიაგნოზი ვერ დაუდგინდა.
გიორგი ჯიშკარიანი 10 წლის, დიაგნოზი ვერ დაუდგინდა. ცოცხალია!
გიორგის ოჯახი სოციალურად დაუცველია. ოჯახმა სახლი იპოთეკით დატვირთა და თანხის გადაუხდელობის გამო აუქციონზე გაუყიდეს. ოჯახის წევრები უმუშევრები არიან. დაუდგენელი დიაგნოზით ორი პატარა ბავშვი გარდაეცვალათ. იგივე პრობლემა აქვს გარდაცვლილი ბავშვების ძმას, 10 წლის გიორგი ჯიშკარიანს. სიმპტომები: უჭირს სიარული, აქვს მხედველობის პრობლემა, კვირაში სამჯერ გადასხმა სჭირდება, საკვების მიღებისას ღებინება ეწყება.
ერთადერთი საშუალება, რომ გიორგის დიაგნოზი დაუდგინდეს და მკურნალობის კურსი ჩაუტარდეს არის ის, რომ გაიგზავნოს გერმანიაში სამკურნალოდ, რასაც 25 000 ევრო სჭირდება. 7000 ევრო შეგროვდა და საჭიროა 18 000 ევრო. სადაზღვევო კომპანია მხოლოდ საქართველოში აფინანსებს მკურნალობის ხარჯებს. საქართველოში კი დიაგნოზს ვერ უდგენენ. ოჯახს არ აქვს საშუალება გააგზავნოს ბავშვი სამკურნალოდ გერმანიაში.
გთხოვთ დაეხმაროთ ამ პატარა ბავშვს და არ განმეორდეს ის ფაქტი, რაც ოჯახმა უკვე ორჯერ გადაიტანა. გთხოვთ, გამოიჩინოთ გულისხმიერება და დაეხმარეთ გიორგის, რათა შეუნარჩუნდეს სიცოცხლე. ეს კი შესაძლებელია მხოლოდ გერმანიაში მკურნალობის კურსის გავლით.
გთხოვთ, გაიღოთ შემოწირულობა და გადავარჩინოთ 10 წლის გიორგი ჯიშკარიანი.

ანგარიშის ნომერი საქართველოს ბანკში: GE55BG0000000294612100
მიმღები, დედა: ია კოხრეიძე
დედის ტელ. ნომერი: 595530270

გაიზიარეთ, არ დაიზაროთ!

http://www.facebook.com/photo.php?v=561166070590302