" სამი ძმა მასულა ბარიდან, ურჯულოს მომძლავრებას გამორიდებული,_ყვებოდა ხუცესის გვერდზე მჯდომი, ყალიონის ბოლში ქონდრისკაცივით ჩამალული ჩია ტანის მოხუცი:_ჯინჭარა, არაბა და გოგოჭა.
- მანამდე არავინ ცხოვრებულა ხევსურეთში?_,იკითხა მოხუცის წინ ცალ მუხლზე დაჩოქილმა ახალგაზრდა ხევსურმა და დაცლილი თასი ჩამოართო მოხუცს, რომ ხელახლა შეევსო.
-არავინ. დასახლებულა ის სამი ძმა გუდანში,_განაგრძო მოხუცმა: - ერთხელ,ღამით ძმები "ცისკარგახსნას" შესწრებიან და სამივეს თითო ნატვრა მოუსწრია.
ახალგაზრდა კითხვად იქცა.
მოხუცები კი ისეთი იერით უსმენდნენ მოხუცს, ეტყობოდათ, მასზე უკეთ იცოდნენ ეს ძველისძველი გადმოცემა ხევსურეთის წარმოშობის შესახებ.
- რა უნატრიათ?-, ვეღარ მოითმინა ახალგაზრდამ.
- ჯინჭარას უნატრია: ჯარზე პირველი სკამი ჯარის სათავეში ჩემი იყოსო.
- მართლაც, გუდანის ჯვარში პირველი სკამი ჯარის სათავეში საჯინჭარაულოს ეკუთვნის ახლაც...
- გოგოჭას უნატრია: ჩამი ვალი ნურავის შერჩესო, ჰოდა აუსრულდა ნატვრა, გოგოჭურების ვალი არავის შერჩება, ავი გვარია, სულ ხმალზე უდევთ ხელი...
მოხუცმა ჩაიცინა და ყალიონი გამოაბოლა.
- სალუდე ქვაბის ძირივით შავ არაბას უნატრია: კაცრიელიმც ვიქნებიო; აუხდა ნანატრი-ნახევარი ხევსურეთი საარაბულოს უჭერია. ასე გამრავლდნენ თავის წინაპრების სახელზე ჭინჭარაულები, გოგოჭურები და არაბულები...
- დანარჩენი ხევსურული გვარები?,-იკითხა ვიღაცამ.
- ეგენი ან ამ სამი გვარის განაყრებია, ან მერე შემოხიზნულია მთას,- დასვა წერტილი ჩიამ და ჩამქრალი ყალიონი ფრჩხილზე დაბერტყა.."
/შოთა არაბული-"გუდანის ჯვრის ნაყმევი". /
I think the admin of this site is in fact working hard in favor
ReplyDeleteof his website, because here every data is quality based data.
Review my blog post :: my blogger tricks
thank you.I've got a translating service on my blog, but I'm not sure if the translation is really done correctly as most of the post is written by a special regional accent of Khevsureti and Google Translate does a very poor translation.I am really very thankful that you visit my blog and sorry for not being able to answer you most of the time because of my bad English.
ReplyDeleteI like it when folks come together and share opinions.
ReplyDeleteGreat site, stick with it!
Here is my page: Telecharger GTA 5 PC