მშვიდობით!

მშვიდობით! მივალ, დე, არხვატს აჩნდეს

ჩემი ლურჯაის დაკრული ტორი;

მწამს თავს გაიტანს და გაიმარჯვებს

ფხა ვაჟკაცური და სწრაფვა სწორი!



დაიქცნენ ძველი ბურჯების ბჭენი,

ბინდი არ ბოჭავს გულს მარწუხივით;

გამყვება ქალაქს ტრფიალი შენი

და დედაჩემის ჩემზე წუხილი!..



შევხვდები ბარში ვაჟკაცებს ნარჩევს,

მოვალ და ნათელს მოვიტან შორით.

მშვიდობით, ქალავ! - დე, არხვატს დარჩეს

ჩემი ლურჯაის დაკრული ტორი!